المشاركات
بمناسبة ماتش الاهلي و الهلال السوداني تحس ان علي الرغم من ان الكورة العربية و الافريقية في بعض الأحيان لا تمت بصلة لكرة القدم اصلا الا انه من الواضح ان نعرات طائفية موجودة بين اغلب الدول العربية و الافريقية و مصر في حاجة غلط بين الشعوب دي و مصر في مشكلة كبيرة الشعب المصري بقي فعلا مكروه من اغلب الشعوب الاخري و دي حاجة لازم نعترف بيها.. بس الغريب انه علي الرغم من ان السودان تربطها بمصر علاقة قوية كانت تصل ان هما يبقوا بلد واحدة في وقت من الاوقات توصل بين شعب البلدين العلاقة للدرجة دي و علي الرغم من وجود سودانيين بيدرسوا و يتعلموا في مصر الا ان العلاقة بين شعب البلدين توصل للمرحلة دي... بس لو حاولنا نشوف ايه السبب ممكن نلاقي مبرر للي حصل واللي بيحصل و اللي هيحصل ده... ممكن الشعب المصري نفسه و اسلوبه في التعامل مع الشخص الغريب عن البلد اتغير يعني الشعب المصري معدش هو الشعب المضياف الكريم المحب لا الشعب المصري اتغير عن زمان و الثقافة المصرية اتغيرت بقي مستغل في اغلب الاحيان و عنصري في احيان تانية دا طبعا مش كل الشعب لكن اغلبه و بقي عشان نسبة الفقر والبطالة زيادة في مصر فبقي فكرة ان يستغل الضيف اللي بيزوره اكبر و فكرة ان احنا فراعنة و احنا بناة الاهرام بقت ستار خلاه انه عشان مش قادر يعمل حاجه و مش لاقي يشتغل مثلا و مش قادر يعيش كويس يبقي عنصري مع الضيف بتاعه و منهم السودانيين طبعا دا غير الناس اللي بتنفخ في النار و بتضرب عالحديد و هو سخن و بتستغل اي حاجة تحصل عشان تضرب علاقات البلاد ببعضها عشان زي ما بنقول عندنا فرق تسود.
ليست هناك تعليقات:
إرسال تعليق